عيد الفطر. محكي للشاعر السوري سليمان أبو لطفي وسوف
كل عام وانتم بالف خير
عيد الفطر
يامحتفل بعيد الفطر
وجارك مفقور وجوعان
لا تنطر من ربك اجر
ولا تفكر عنك رضيان
لو بتصوم تنعشر شهر
صابرعالجوع وعطشان
صومك لا قيمه ولا قدر
عند الخالق بالحسبان
خالقنا وصانا بأمر
راضي خيك لو زعلان
وتمسك بحبال الصبر
لا تطول ع الناس لسان
خفف عن مقهور القهر
مدلو كف الاحسان
طفي بقلبو حر الجمر
مسح دمعاتو بتحنان
اعتق مأسور من الاسر
نجي من الموت الغرقان
الخير عليك بيدفق نهر
وبيقوي فيك الايمان
ما بتطالك ايد الغدر
بتبقى مرتاح الوجدان
ما بيجور عليك الدهر
بيمن عليك المنان
بتشعر مثل الوفى نذر
وعلا للخير البنيان
مثل الخلق بليلة قدر
وصام بشوال وشعبان
برياحه بتعيش العمر
مرتاح ومشروح الصدر
وبتبرهن انك انسان
ارشيف
سليمان ابو لطفي وسوف
تعليقات
إرسال تعليق