أحلام ..محكي للشاعر السوري سليمان أبو لطفي وسوف
. احلام
بحلم بحياتي كون اشبه بالنسر
اسهر مع النجمات لطلوع الفجر
ماهمني لو صار تشريني العمر
ولا لوم عزالي بلاقيلو عذر
رح ظل اهوى واعشق بنات السمر
عايش عا مهلي عد ايام الشهر
بخيمه وضيعه بشوفها مثل القصر
فيها سعيد بعيش وبقضي دهر
بخيمة انبنت عامروج نسماتا عطر
ومن حولها بتشوف كومات الزهر
بتشوفني بالليل عم حاكي البدر
عزمي مبولد زند اقوى من صخر
فارس عرمرم معتلي صهوة مهر
ابجر صهيلو من الدرب هرب نمر
بنده عاعبلا الجالسة جوا الخدر
تخبر ابوها قاصد ديارو صهر
حبا حرقني شعل بقلبي جمر
لانوق جايب بيض مهرا ولا حمر
عندي القوافي مرتبة ومهرا شعر
مسكين عنتر عبس مات من الغدر
عمو استغلو موتو بحسره وقهر
مات وعيونو نار قدحت بالقبر
مثلو تأصبر صعب ماعندي صبر
وان ماعجب مالك ابوها هل مهر
رح اخطفا من قبل اذان الظهر
وخلي ابوها يروح يبلط بالبحر
ارشيف
سليمان ابو لطفي وسوف
تعليقات
إرسال تعليق