وصية ...محكي للشاعر السوري سليم عبد الله بابللي

 (وصيّة)

عندي وصيّة لولادي

منقولة عن أجدادي

ما بتغَطّي غيوم الكون

لو طالت شمس بلادي

**********

أرض بلادي أرض الخير

دار العزّ و ملفى الطير

عادي يطمع فيها الغير

لكن يبقى.... مو عادي

**********

كل القصة عنّا تراب

غالي ما يقبل أغراب

لو مرة في نسمة راب

أغلى ما عندو يفادي

**********

مهما صال الغدر و جال

عتم الردى عنو جال

عند الواجب عندو رجال

ما بدُّن مين ينادي

**********

ساعِد سعيا ما ينضام

و الضيم بظلّا ما دام

ضلّت عا مَرّ الأيام

حسرة بعين الصيّادِ

سليم عبدالله بابللي