نحنا وين؟! محكي للشاعر السوري محمد عزو حرفوش

 نحنا وين؟!

ضيعنا من العمر سنين

عشنا بهالدنيا مساكين

قعدنا نحفظ بالأمثال 

ومضيناها قيل وقال

تارينا  بكل  الأحوال 

سلعة  بأيد النصّابين.

قالوا الحزن مابيدوم

بعمرا مابقيت الغيوم

دفنونا ب تلال هموم

دمع مدحرج عالخدين.

فرحنا بوعود السادات

وجاملناهم بالضحكات

الله يرحم كل من مات

والفرح طعنوا بسكين.

لازم تعرف يا إنسان 

إنو معطّل هالميزان 

قاضينا عايش سكران

وللظلم حطّوا قوانين.

يمكن ما بقا نلحق 

حلمنا طار  وحلّق

وضعنا صار معلّق

بصحوة أوبة دجّالين.

.. محمد عزو حرفوش.