وين العدل ..محكي للشاعر السوري سليمان أبو لطفي وسوف
. وين العدل
مولاي عفوك حالتي صعبي
مات العدل ع الارض ياربي
سموا المجرم بالدني قديس
ومجرم العفعل الخير متربي
للحرب دقوا لقتلنا نواقيس
خلو شعبنا يعيش بكربي
الميزان مال ولازمو تجليس
وعنك مافينا ربنا نخبي
زرع العدو ببلادنا جواسيس
مافي شرف عندن ولا محبي
ياويلهم منك هل مناحيس
خانوا الوطن والأهل والقربي
بدهم ببوط العسكري تعفيس
بالمال باعوا الوطن للغربي
باعوا شرفهم غرهم ابليس
عليهم شتي اللعناة منصبي
كل متأمر على بلادو خسيس
مابرافقو دربو عكس دربي
مال الغدر مخباه جوا الكيس
بخبي حماة الوطن بقلبي
الايد الشريفة ببوسا تبويس
بيكون قدوة عليه فينا نقيس
الشخص الدعاه الوطن بيلبي
٢ /٢٠٢٤/١٠
سليمان ابو لطفي وسوف
تعليقات
إرسال تعليق