تايهين. .. محكي للشاعر السوري محمد عزو حرفوش

 تايهين.. ( محكيّة ).

ياحسرة وألف ياحيف 

قديش  غيّرنا هالزمان  

يا ريتها سحابة صيف

ترحل عن سما المكان. 

ضاقت عيشة الشريف 

ياعيب الشوم ياإنسان

عفيف النفس الحزين 

تايه مقهور بلا عنوان 

لصوص تراكم ملايين

خمر وعربده ونسوان

صاروا  للظلم عناوين

صرت عاطل ياميزان

ياحسرة وألف ياحيف 

قديش غيّرنا هالزمان

تقزّمت طرق التفكير

انحصرت بكم فرمان 

بكرا شو  بدّو  يصير

بْحال خامد وخربان 

وندعي ياربنا  تجير 

شعب معتّر وطفران.

فاجر يحكي بالفضيلة/ي

الصدق من كلامو هربان

تاريخ  معبا  بالرذيلة/ي

مابتفرق معو مو سألان

ماعم يدّخر  وسيلة/ي

تَ يكسّر  بيضة القبّان.  

الكل فينا عم بِ يتاجر

وكلمن بِ ميدانو فنان

نص الشعب عم يهاجر

والنص التاني غضبان

يا ظلم  تركنا  وغادر

بلكي بْ يرجع نيسان

ياحسرة وألف ياحيف 

قديش غيّرنا هالزمان. 

.. محمد عزو حرفوش.