طب الفنجان .. محكي للشاعر السوري بطرس الجبور
طَبّْ الفنجان :
....................
ببلادي كلّ النسوان
مغرومة بطبّ الفنجان
لاتناقش حتّى ترتاح
لا بعادات ولا بأديان
........
الليلة رح اعمل بصّار
في عندي خبرة بهالكار
واكشف لحوّا أسرار
العندا بالطالع إيمان
...........
بفنجانك شايف دربين
واقفلك فيهم تنتين
وحدة متل غراب البين
ووحدة كالقمر بنيسان
........
الأولى اللي بتشبه الغراب
حيّة مسمّة ومن القراب
بتحكي عالحاضر والغاب
وما بيهدالا بتمّا لسان
.............
وجها شبّهتو حماتك
متراقبلك خطواتك
وبتتدخّل بحياتك
وبقلبا ساكن شيطان
.............
التانيّة بإيدا الورود
شقرا حلوة عيونا سود
حامل وببطنا مولود
هديّة ونعمة من الرحمن
............
كامل وبأجمل خلقة
بيربى بحضنك وبيبقى
حاملّك بيدو رزقة
بيزلغط إلها الجزدان
............
ببيتك باين في جمعة
ونازل من عينك دمعة
لاتخافي قومي بسرعة
بيّضيها وهاتي الحلوان
................................
تعليقات
إرسال تعليق