لا تتدخل بالمكياج ..محكي للشاعر السوري بطرس الجبور

 لاتتدخّل بالمكياج :

..........................

بالدنيا حلوين كتير

الكلّ العين بتقشعهم

قلبك مهما يكون كبير

لاتظنّو رح يوسعهم

.............

لاتحاكيهم بالذرّة

ولاتجادلهم بالمرّة

لا تكون بعينن ضرّة

خلّيك مساير معهم

..............

بخصورن لمّا يميلوا

من القلب الهمّ يشيلوا

عمرك لو ردت تطيلو

تبسّم كلّ ما بتسمعهم

..............

خبّرهم أنتوا حلوين

وأحلا من من ورود تشارين

قلّن الرجال مجانين

ان رضيوا يشوفوا مدامعهم

...............

لا تسببلن أي إزعاج

لاتتدخّل بالمكياج

بيصير لسانك كرباج

وبكلماتو بيلسعهم

..............

لا تنصّب حالك مختار

ولا تقرّب صوب الأعمار

وصفهم هنّي صبايا صغار

الكلّ بحولك تجمعهم 

وما بيريدوا تودّعهم .

..............................