ذكرى وطفولة ..محكي للشاعر السوري أحمد دلول

 ذكرى وطفوله

نظره من عيونك تكفي

وقبله من خدودا الحلوين

الميت لو لمست تشفي

والاعمى يشوف بعينين

وعهدك ياعيوني وفي

وعد الحر بيبقى دين

العالم كلو بكفي

وعجبينك زهر تشرين

كنت ايام بصفي

 وعرتيني اقلام التلوين

كفك حطيتي بكفي

وكنا طلاب مجانين

مريولي ما بيدفي

وجزمه تحميني من الطين

الكتب بمطيطه تلفي

وصندل من دون قلاشين

الشعر بريباني تلفي

وصدريتك صارت لونين

الرحلايه حاج تحفي

وحرفك عم يرسم قلبين

تفرقنا وشفتا صدفي

وتصافحنا بالأيدين

بأوصالي سريت رجفي

وقالتلي ايامك وين

جاوبتا مضيع رفي

نسيوني متلك تخمين

عالماضي لشرب شفه

ومن عمري ضيعت سنين

يرحم ايام القفي

زبيب وتمر ولوز وتين

وع الحاضر دخلك تفي

لادنيا باقي ولادين