نصيحه ..محكي للشاعر السوري سليمان أبو لطفي وسوف
احد مبارك عليكم
نصيحة
يا مفكر حالك عيوق
عطول بشوفك معجوق
ان كنك فهمان وحربوق
بحكمك لاتستعجل روق
البيعصب تفكيرو خروق
مابيصحى عنفخ الببوق
شغل عقلك يامخلوق
بكلمة بتفك المشنوق
تاتقدر تنجح وتفوق
توعى من غفلاتك فوق
لا تتقاسى كون شفوق
لاقي الضيف بوج شروق
البيقدر نفسو وبيذوق
بنظر الناس بيبقى فوق
حتى لانشوفك محروق
توعى لا ترافق بندوق
ولا لص وأكال حقوق
لوصدفت عجقه بالسوق
ع مهلك بهداوي سوق
عاشق كنك او معشوق
لايغرك قد الممشوق
وبنطال الجينز المخزوق
للاتي ان ماعملت حساب
مر العيشه رح بتدوق
٢٠٢٥/٩/٢١
سليمان ابو لطفي وسوف
تعليقات
إرسال تعليق