قمر تشرين.. محكي للشاعر السوري سليمان أبو لطفي وسوف
احد مبارك عليكم جميعا
قمر تشرين
كل ما قمر تشرين هل وغاب
منرجع معو نتذكر الغياب
بيردنا نتذكر الماضي الجميل
وعالمدرسة منرجع معو طلاب
رفقات كنا بفرد عمر وجيل
صغار ع علم القراءة والحساب
اما البنت الخصرها ناعم نحيل
هيي وانا قديش كنا صحاب
شو ماكتبت بوصفها بفكر قليل
كنا نقضي يومنا ذهاب واياب
كنت كل ماحاولت لصوبا اميل
تضحك تقلي عيب ياحباب
لا نزعل ولا كنا هموم نشيل
نعيش بمحبة لاملامه ولاعتاب
كانت بخيله ماكنت معها بخيل
لبي طلبها دوم عندي مستجاب
كرمال عينيها عملت المستحيل
صارت صبيه الظن فيها خاب
دورت تالاقي عوض عنها بديل
ورجعت مالاقيت رد ولا جواب
تأكدت وقتا كل أحلامي سراب
٢٠٢٥/١١/٢٣
سليمان ابو لطفي وسوف
تعليقات
إرسال تعليق