لا تسألوني.. محكي للشاعر السوري سليمان أبو لطفي وسوف
احد مبارك عليكم
لا تسألوني
وبيسألوني ليش ناوي روح
ع بلاد غربي خاطر وفادي
ياريت لو باب الامل مفتوح
بقضي حياتي بأرض اجدادي
مافي امل بالأفق عم بيلوح
ولا فرج جايي ولا امل بادي
لافكر رايق لا صدر مشروح
بحسره ومراره منذكرالماضي
والحال ظاهر للملا مفضوح
ولا في حدا بعيشتو راضي
كلمة سفر تركت بقلبي جروح
لو طال بعدي بتنزف زيادي
محزون خايف لا تروح الروح
وحلم البنيتو يضيع عالفاضي
مانويت سافر كسدر ولا سوح
مجبور أمن قوت لولادي
بالوطن تارك ام عم بتنوح
تصرخ بعالي الصوت وتنادي
بالحلم بسمع صوتها المبحوح
تقلي رضايي عليك زوادي
مرتي ولادي بيحلموا بصروح
مااعتدت عنهم غيب بالعادي
رح عيش ببلاد الهفا مشلوح
ضايع مابين السهل والوادي
محروق قلبي لمين بدي بوح
اهلي وبلادي بعبد عبادي
يارب شعبي معذب ومدبوح
افرجها يارب الكون ع بلادي
ارشيف
سليمان ابو لطفي وسوف
تعليقات
إرسال تعليق