الأمثال..محكي للشاعر السوري أحمد دلول

 الامثااااال

جعجعه بلا طحن مضروب المثل

وعود وكذب وماضل بالقادم امل

السين والتسويف صاروا مرحله

وبعدك بتحلم ياغبي بشهر العسل

عرقوب وعد وبعدك يااهبل ناطرو

ايام سوده وقال ياناس اصبروا

نفس الحكي من سنين عما يكرروا

وقبل الوفى بالوعد بيحين الاجل

ناطر انا وعالوعد ياكمون

ميصدق وعودك سوى مجنون

عايش وبعدك بالحيا مدفون

قال انطروا ل يحين تقليع البصل

مين استلم بيقول بعيوني الوطن

رح اجعلوا بجهودكم جنة عدن

رح اعبدوا لو كان ياشعبي وثن

لاوعود نفذها ولا حاكم عدل

عايش ع دمي بالخديعه والدجل

بتنهب بتقتل بدون رحمه او كلل

ومنقول عهد ومر ومننسى الحصل

ومتلك ومتلو بس ع الكرسي وصل

رح ضل اصرخ بالجواري والعبيد

الغارق ببحر الذل لايخشى البلل