قوليلهن.. شعر محكي للشاعر السوري ناصر صالح
قصيدة بعنوان
( قوليلهن )
قوليلهن حبني و عتل همي
وقوليلهن حبني وعليي خاف
و ما شاف من حضني ولا ضمة
وغير الظلم بمحبتي ما شاف
وما كنت لحظة فيه مهتمة
و كنت بعيونوا كاملة الأوصاف
و شو كنت منو ضل منسمة
و مني ما كان يشوف إستلطاف
و ما كنت إجبر خاطرو بكلمة
و مع هيك هوي محبتي ماعاف
و شو كنت ضل عليه ملتأمة
و هوي حواليي بي روحو طاف
و يقرا إلي قرآن و يسمي
و يقول دخلك يا خفي الألطاف
روحي إلا و يرخص إلا دمي
و لو ذقت من حبا سموم رعاف
و شو كنت وقتا عاملو بنقمة
و شو كان مني يشوف إستخفاف
و ما راح عني و ما اشتكا ظلمي
و شو شاف مني من الظلم أصناف
هيدا ال جرى و ال صار يا إمي
متلو عليي ما شفت بيخاف
معقول الله باعثو نعمة؟
و معقول متلو في قلوب نضاف؟
----------------------------
ناصر صالح
تعليقات
إرسال تعليق