لملمت كل شي..سعر محكي للشاعر السوري ناصر صالح
قصيدة بعنوان
(لملمت كل شي)
لملمت كل شي منكسر فيي
و حملت كل شي بتحملوا ديي
ورفعت راسي وجيت بدي قوم
شفت الدني عم تضحك عليي
اتطلعت فيها بنظرة المقهور
و همي أنا أوقف عا إجريي
قالت لا تتعب جانحك مكسور
ودع حياتك ها ال منتهية
قلتلها بلهجة شخص مغرور
لهجة ما فيها بنوب حنية
لو تكسري عضمي متل بلور
ولو تقتليني وتدفعي الدية
ما بتقدري تطفي بقلبي النور
عندي إرادة و صافية النية
قبلت التحدي يا دني مجبور
و حاطط الفوز قبال عينيي
----------------------
ناصر صالح
تعليقات
إرسال تعليق