قالتلي ياابن الناس ..شعر محكي للشاعر السوري ناصر صالح
أغنية بعنوان ( قالتلي يا أبن الناس)
قالتلي يا إبن الناس
متابعتك صرلي مدة
شفت الطيبة والإحساس
و إعجابي زايد عندي
لو تسمح بدي إحكيك
وأشرح عن إعجابي فيك
كم كلمة الله يخليك
و أكتر منن ما بدي
----------------------
قالتلي شعرك موزون
ساعات بحسك عاقل
و ساعات بحسك مجنون
قلي بحالك شو عامل
بتخلي الواحد يحتار
إنت بجنة ولى بنار
خبرني بحالك شو صار
و وين دروبك بتودي
-------------------------
قلتلا قلبي مجروح
و عا الحب مسكر بابو
وكل مين بحبو بيروح
ال حبيتن عني غابوا
خليكي عن قلبي بعيد
ما بدي غلطاتي عيد
مو ناقصني جرح جديد
بيكفيني اللي عندي
------------------------
قالت خليني داويك
وإشفي با الحب جروحك
و المحبة كلا أعطيك
و أخلط روحي مع روحك
قلتلا ما في إنسان
بيشفيني من ها الأحزان
خليني لحالي رضيان
حب و أعشق ما بدي
--------------------
ناصر صالح
تعليقات
إرسال تعليق