باردة الأعصاب.. شعر محكي للشاعر السوري ناصر صالح
قصيدة بعنوان (باردة الأعصاب)
صارت بجسمي باردة الأعصاب
و صار القلب أي شي بيتحمل
و اللي بيروح برافقوا للباب
بحب و وفا ما عاد إتأمل
ما عاد بدي من الدني أصحاب
و ما عندي عندي صبر إتحمل
و اللي تركني ومن حياتي غاب
يرجع إلي ما عاد يتأمل
اللي افتكرتو أجمل الأحباب
بسهمو رماني وعالقلب كمل
بعض البشر صاروا متل أغراب
بعيني صورتهن صعب تتجمل
باعوا قلب غالي بسعر التراب
وقلبي اللي حبهن يوم ما اتبدل
بإيدي سقيتن حلو با الأكواب
بإيدن سقوني المر المخلل
راحوا و وراهن سكرت البواب
و ما عاد تفتحلن متل أول
بكرى بيبرم برمتو الدولاب
و اللي هجرني الهجر يتحمل
--------------------------
ناصر صالح
تعليقات
إرسال تعليق