الهواره ..للشاعر احمد ريشه من سورية
الهوارة
عالهوارة الهوارة
روحي اشتاقت لديارا
بدي طلق هالغربة
وبيعا بصفوة سيكارة
بالغربة عايش حزين
لكن عزمي ما بيلين
بدي جمع لي قرشين
وارجع عمر بالحارة
حارتنا كلها دراويش
سوى بالضيعة منعيش
مابدنا مخدة من ريش
ولا منحب البهوارة
من الغربة بكرا جايي
تسمع من جدي حكاية
عالسبع والتقلاية
وناكل معكو مجدارة
بحبك ياضيعة بجنون
ياحضن أمي الحنون
ماعاد هاجر مهما يكون
تاموت وروح المقبارة
أحمد ريشه
تعليقات
إرسال تعليق