ضياعنا .. شعر محكي للشاعر سليمان أبو لطفي وسوف
. احد مبارك على الجميع
ضياعنا
الرب مبدع ظهر ابداعو
بوادي النصارى وبحلا ضياعو
بسهول خضرا مزينه وجبال
وشعب الكرم والجود بطباعو
وضيعتي من ضياع هل وادي
ربي عطاها الخير بزيادي
حب الوطن بضياعنا عادي
بحلم وصبر منقدر اوضاعو
بحلم وصبر منقدر الاوضاع
الا لرب الكون ما مننصاع
تراب الوطن بكنوز مابينباع
انذال هودي الارضهم باعوا
عين راهب اسم ضيعتنا
ع الوفا وع الحب ربتنا
شموخ وكرامه وعز عطيتنا
وصت نجوع ونطعم الجاعو
عنا شباب من الوطن راحوا
وقلوبهم من هون مازاحوا
بدموعهم بيبلسموا جراحو
بيتوجعوا ليخففوا اوجاعو
الله معاهم وين ماحلوا
رمز العطا للاهل بيضلوا
وللي هجر هل حمى منقلو
ليالي الفرح بغيابكم ضاعوا
المدوا ايد الخير والاحسان
للاهل للاصحاب .للجيران
بهمة وعزيمه بتعمر الاوطان
بوجه الاعادي بتصمد قلاعو
ارشيف
سليمان ابو لطفي وسوف

تعليقات
إرسال تعليق